Beste materialak

Materialak

BITARRA

Bitarraren sarrera egiteko interesgarria da. Gaztetxoak harrituta geratzen dira haien jaioteguna asmatzen duzunean eta bitarra jakin gabe ere egin daiteke, baina nola funtzionatzen duen ulertzeko bitarra jakin beharra dago.

Esku bakar batekin 31ra arte konta daiteke! Horretarako ordea bitarrez kontatzen jakin behar da.

Gurutzegrama antzekoa da. Bertan hamartarrez ematen zaizkigun zenbakiak bitarrez aurkitu behar dira.

Biren berredurak lantzeko asko harrapatzen duen jolasa.

Zenbaki bitarrez osatutako gurutzegrama antzekoak dira. Zenbakia ematen da hamartarrez eta bitarrez adierazi behar da.

LETRAK ETA IRUDIAK BITARREZ

Interneten bilaketa bat eginez aukera asko azaltzen dira. Nonogramek irudiak pixeletan banatzen dituzte eta kode baten bidez adierazten dute lerro eta zutabe bakoitzean zenbat pixel beltz dagoen jarraian. Logikaz pixel beltzak margotzen joan behar dira irudia lortu arte. Bilatu «Nonogramak» Googlen gehiago jakiteko.

KONPUTAGAILUEN EGITURA

Behin zenbakikuntza bitarra ezaguna dugula, bit horiekin eragiketak nola egiten diren ikusi behar da. Jolas hau oso ona da horretarako. AND, OR, XOR, NOT, DEC, INC, ROR, ROL eta MOV eragiketak ditu eta horiekin helburu kartetan agertzen diren balioak lortu behar dira helburu erregistro batean.

ALGORITMOAK ETA PROGRAMAZIOA

Code.org-ko “Dice Race” jarduera da. Jolasteko lehen algoritmoa egina ematen zaigu, baina bigarren eta hirugarren jolasaldien algoritmoak taldean zehaztu behar dira. Kontuan izanik, bigarren jolasaldian 3 txanda erabili behar dituela jokalari bakoitzak (begiztak) eta hiru jolasaldian 1ekoa ateraz gero dadoa berriro bota behar dela (baldintza).